barnaland.fo - Barnaland.fo

Leinkjur

Her finnur tú leinkjur til feløg, stovnar og onnur, ið bjóða ráðgeving, hjálp og upplýsingar til barnafamiljur.

www.bvs.fo Heimasíðan hjá Barnaverndarstovuni er eitt portur fyri ein breiðan málbólk, ið hevur við børn at gera. Her er kunnandi tilfar um lógina, hvussu barnarverndarøkið er uppbygt og vegleiðingar um, hvussu tú kanst vera við at hjálpa einum barni, ið av eini ella aðrari orsøk ikki livir undir korum, sum eru sømilig.

www.krabbamein.fo Endamáli hjá Føroya Felag Móti Krabbameini er, at upplýsa um krabbamein og fyribyrging, stuðla gransking av krabbameinssjúkum og í serligum førum at veita krabbameinsraktum fólki hjálp. Í felagnum eru fýra fastir sjálvhjálparbólkar: "Stomi-bólkur", "Foreldrabólkur at børnum við krabbameini", "Bólkur fyri kvinnur, sum hava - ella hava havt - krabbamein í undirlívinum" og bólkur nevndur "Bót til bata". Foreldrabólkurin skipar fyri spennandi TIVOLI-túri til Danmarkar í november 2007. Les meira á heimasíduni.

www.radgevingin.dk Heimasíðan vendir sær til føroyingar, ið eru búsitandi í Danmark og føroyingar, ið ætla sær at flyta til Danmarkar. Umframt føroyingar, ið skulu higar eitt stytri tíðarskeið. Til dømis sjúklingar og teirra avvarðandi, næmingar ið skulu á skeið eitt skifti, og føroyingar, ið eru í feriu. Eisini føroyingar, ið ætla at flyta heimaftur til Føroya.

www.psykolog.fo Á heimasíðuni hjá felagnum Føroyskir Sálarfrøðingar finnur tú upplýsingar um virksemi felagsins og møguleikarnar fyri at fáa sálarhjálp í Føroyum.

Um barnaland.fo

Vælkomin á Barnaland.fo - eitt framúr tilboð til føroyskar familjur, børn teirra og onnur við tilknýti til Føroyar. Barnaland.fo gevur familjum ein upplagdan møguleika, at hava eitt tætt samband við síni kæru. Nógvir føroyingar búgva, lesa ella arbeiða í Danmark og øðrum londum og nógv sigla eisini úti stóran part av árinum. Her er alnetið ein upplagdur møguleiki at hava samband hvør við annan og hesa gongdina ynskja vit á Barnaland.fo at menna.

Nú gevur Barnaland.fo sum nakað spildurnýtt øllum høvi til at gera eina ókeypis heimasíðu til barnið ella børnini. Hetta merkir at øll fáa høvi at geva familju, vinum og kenningum innlit í, hvussu barnið ella børnini trívast og mennast. Umframt eina ókeypis heimasíðu kunnu foreldur leggja Bók barnsins, barnabloggar, filmklipp og mangt annað um barnið út á alnetið, uttan at tað nýtist at gerast ov alment og ópersónligt, tí tað eru tit foreldur, ið avgera, hvør sleppur at síggja heimasíðuna hjá barninum.

Visjónin røkkur tó nógv longri enn møguleikan at gera egnu heimasíðu við myndum og bloggi, tí ígjøgnum Barnaland.fo ynskja vit at vera við til at menna eitt føroyskt alnetssamfelag, har familjur hjálpa og stuðla hvørjum øðrum ígjøgnum kjak um alt frá viðgongutíð og barnsburði til uppaling og tað at vera foreldur.

Dreymurin er, at Barnaland.fo verður eitt stað fyri familjuna á alnetinum - ein livandi interaktivur portalur - har foreldur nema sær vitan og kunnleika og serliga fáa høvi at deila sínar gleðir, sorgir og royndir við øðrum foreldrum. Tað er sera umráðandi fyri okkum, at trygdin er í hásæti, og tí er tað foreldrini sjálvi, ið ráða fyri, hvør skal síggja heimsíður, myndir osfr.

Vit ynskja at vera í støðugari menning og við jøvnum millumbilum fara vit at bjóða brúkarum nýggj og spennandi tilboð. Vit lurta eisini fegin eftir, hvat ið brúkarin sjálvur ynskir. Barnaland.fo er sprotti úr megnar arbeiði, sum stigtakararnir til sera vælumtóktu íslendsku heimasíðuna www.barnaland.is hava gjørt. Tann føroyska síðan www.barnaland.fo verður umsitin av Maibritt Højgaard, sálarfrøðingi, ið sjálv er mamma og føroyingur búsitandi í Danmark.

Frontur ehf
Island

Hvat kann Barnaland.fo bjóða tær?

Tað er fyrst og fremst sera lætt at gera eina heimasíðu til familjuna ella børnini á Barnaland.fo. Harumframt er hetta ein deilgur máti at fortelja øðrum hvussu familjan og vinirnir hava tað. Ein heimasíða er serliga hent um tú t.d. býrt langt frá tínum kæru. Tú kanst velja at lata heimasíðuna á Barnaland.fo vera heilt persónliga og bert geva teimum atgongd til heimasíðuna, ið tú persónliga loyvir at síggja hana.

Tú kanst eisini velja at lata nøkur øki á heimasíðuni vera persónlig og lata onnur øki vera almenn. Við einari heimasíðu á Barnaland.fo kanst tú gera tína egnu myndabók á netinum, goyma talgittar myndir og filmklipp og á henda hátt deila tínar upplivingar við familju og vinum við onnur.

	barnaland.fo
Ókeypis heimasíðu
Heimasíður per brúkara	Óavmarkað
Prísur um árið	0 kr.
Fría myndabók	við plássi til 50 MB
Tal av myndum	c.a. 500 stk 640*480
Filmklipp
Barnabloggur
Bók barnsins (fyrsta orðid, fyrsta fetið, fyrsta tonnin osfr.)
Gestabók
Ger síður á heimasíðuni	Unlimited
Gullkorn – stuttlig orðafelli frá børnum
Teljara ið telir hvussu nógv vitja heimasíðuna
Egi økisnavn (míttnavn.barnaland.fo)
Broyta myndir, broyta stødd, venda myndum
Gera egna bakmynd
Loyniorð ið verjir heimasíðuna móti óviðkomandi
Partvís verja (t.d. kanst tú velja bert at verja myndir)
Møguleiki fyri at hava fleiri systkin á somu síðu
Kalendari
RSS atgongd
Møguleiki at keypa eyka pláss	e.g. 2GB 249 DKR um árið
Ongir lýsara á heimasíðuni
Windows/Mac OS X/Linux desktop skipanir
Weblog API

Eyka pláss til myndir og filmklipp

2000 MB | Prísur kr. 249,00
8000 MB | Prísur kr. 499,00
16000 MB | Prísur kr. 749,00